Hurkoak mendeko ia 1.500 pertsonari lagundu die Gipuzkoan 20 urteko ibilbidean

2010/10/06

XX. urteurrena ospatzen ari da, denbora horretan guztian Gipuzkoako 2.500 familiari aholkua, orientazioa eta laguntza eman izanagatik gogobeteta. Arrasaten irekitako ordezkaritza berria sendotzea da Hurkoaren berehalako helburua, eta, epe ertainera, berriz, Goierrin eta Bidasoan ordezkaritza berriak zabaltzea, eskualde haietan fundazioaren lana hedatzeko eta, era horretara, zerbitzuak herritarrei ahalik eta gehien hurbiltzeko.

Hurkoa Fundazioak gaitasun-maila ebaluatzeko modua eta lege-erreforma eztabaidatuko ditu bere biurteko batzarrean

2010/09/24

Ekitaldiak aditu ugari bilduko ditu datorren abenduaren 30ean Donostian, eta Fundazioa sortu zeneko XX. urteurrena ospatzeko ekitaldi bat da.

Hurkoaren XX. urteurrena ospatzeko jardueren barruan, Fundazioak aditu-talde bat bilduko du datorren azaroaren 30ean, lege-erreformari eta gaitasun-maila ebaluatzeko moduei buruz eztabaidatzeko. Ekitaldian parte hartzeko epea ireki da, eta izen-ematea Hurkoak Gernikako Arbola 16 Pasealekuan duen egoitzan agertuz, 943 468 956 telefono-zenbakira deituz edota www.hurkoa.org web-orrian idatziz egin daiteke.

Ehun urteko zentroaren erabiltzaileekin Hurkoak egindako tutoretza-lana aitortu du Zorroagak

2010/08/04

Egoitzaren mendeurrenean, Fundazioak sari bat eman dio Hurkoari zaintza berezia behar duten pertsonekin ematen dion laguntza eskertzeko.

100. urtebetetzean, Zorroaga Fundazioak esker ona adierazi nahi izan die bere historian fundazioaren egitekoa betetzen lagundu duten pertsona eta erakunde guztiei. Horietako bat da Hurkoa; hain zuzen ere, 2002tik lankidetza-hitzarmena dute horretarako beharra duten egoitzaren erabiltzaileak babesteko.

Hurkoak urteko batzarra egin du, boluntarioei eta fundazioko langileei egindako lana eskertzeko

2010/07/01

Bilkura informalean 80 bat lagunek hartu zuten parte, eta Aralarko Santutegira bisitaldi gidatua, eukaristia bat eta Iribasen bazkaria egin zituzten.

Joan den ekainaren 12an Hurkoak urteroko batzarra egin zuen, 2009-2010 ikasturteari amaiera emateko. Batzar horretan omentzen dira Fundazioak Gipuzkoako gizarteari adorea eman dakion urtero-urtero lanean ari diren pertsona guztiak. Zeregin hori lortzeko boluntarioek nahiz erakundeko langileek egindako lan goraipagarria eskertzea da batzar informal horren helburu nagusia.

Hurkoak mikrobus bat erosi du Donostiako eguneko zentrorako, Kutxaren laguntzarekin

2010/06/22

Fundazioak lekualdatzeetako segurtasuna eta erosotasuna areagotu ditu, eta, era berean, mantentze- eta konponketa-gastuak murriztu ditu.

Mikrobus bat erosi du Hurkoak Kutxaren Gizarte Ekintzaren laguntza ekonomikoarekin; horri esker, hobetu egin du Donostiako Nuestra Señora de las Mercedes eguneko zentroan fundazioak mendekotasuna duten pertsona helduei ematen dien zerbitzua. Ibilgailu horri esker, lekualdatzeetako segurtasuna eta erosotasuna areagotuko ditu fundazioak, eta, era berean, mantentze-gastuak murriztuko ditu.

Hurkoak web-orri berria jarri du martxan

2010/06/07

Sarearen bidez Gipuzkoako gizartearekin beste komunikazio-bide bat sortu du Fundazioak, deseinu berrituarekin eta eduki gehiagorekin.

Bere jardueren gardentasunaren eta hedapenaren alde eginiko apustuan beste urrats bat eman du Hurkoa Fundazioak eta, hala, web-orrialde berriaren bidez Fundazioaren kanpo-komunikazioa bultzatu nahi izan du. Sarearen bidez sortutako informazio-kanal berri horrek aurrekoak baino diseinu modernoagoa du, baita eduki gehiago ere. Aldian-aldian eguneratuko dira, gainera, edukiok.

« lehenengoa ‹ aurrekoa … 4 5 6 7 8 9 10 11 12