Hurkoan gauzatzen dugun gizarte-jarduerari laguntzeko modu asko daude. Mendekotasun- edo hauskortasun-egoeran dauden adineko pertsonei arreta emateko beharra hazten ari den joera bat da gure gizartean. Gure bizi-itxaropena geroz eta handiagoa da; gure inguruan geroz eta kalteberagoak diren adineko pertsonak ditugu.
Horregatik, urtetik urtera baliabide ekonomiko gehiago behar ditugu gure egiteko sozial horren inguruan sortzen diren behar berriei erantzuteko. Ezin ditugu adineko pertsonak ahaztu.
Dohaintzak
Ez dago dohaintza txikirik. Laguntza oro ezinbestekoa da laguntza behar duten pertsonei laguntzeko.
Helbideratutako ekarpenak
Ekarpenak transferentzia bidez
Zure dohaintza egin dezakezu, bi kontu korronte hauetako batean nahi duzun zenbatekoa sartuta:
Caixabank
Kutxabank
Laboral Kutxa
Jarri gurekin harremanetan eta esango dizugu nola egin!
Gure finantziazioa
Hurkoa irabazi-asmorik gabeko erakunde bat da, eta bi fundazioren bidez gauzatzen du bere egitekoa, antolaketa- eta eraginkortasun-arrazoiak direla eta: Hurkoa eta Hurkoa Zainduz. Biek estrategia, konpromiso, ikuspegi, xede eta balio berak dituzte, baina haietako bakoitzak jarduera-eremu zehatz bat du. Hurkoak tutoretzari eta hauskortasunari dagozkion jarduerak gauzatzen ditu batez ere; Hurkoa Zainduz fundazioa mendekotasunak dituzten adineko pertsonen arretan espezializatua dago, eta “Nuestra Señora de las Mercedes” Eguneko Zentroaren kudeaketaz arduratzen da.
Gardentasuna eta kudeaketa-jardunbide egokiak funtsezkoak dira Hurkoaren pareko erakunde baten jarduera azaltzeko orduan.
Gure finantziazio-bide nagusia administrazio publikoekin ditugun lankidetza-hitzarmenak eta erakunde pribatuek, enpresek eta partikularrek egiten dizkiguten dohaintzak dira. Haien babesa eta konfiantza ezinbestekoak dira gure jarduera gauzatzen jarraitu ahal izateko.
Zerga-arinketa
Gure jarduera lehentasunezkotzat jo du Gipuzkoako Foru Aldundiak gizarte-zerbitzuen alorrean. Horregatik, ekarpen ekonomikoren bat egiten diguten pertsonek edo erakundeek gure lanari laguntzeko emandako zenbatekoaren %30 desgraba dezakete.