Imagen
19, Iraila 18
Gaixotasun horrek gero eta pertsona gehiagori eragiten die, baina baita haien zaintzaile eta familiei ere. Gipuzkoan 12.000 pertsonak dute Alzheimerra, eta, ikerketa nagusien arabera, 2050ean kopuru hori hirukoiztu egingo da.
Buru Bihotzez elkarteak Alzheimerra duten pertsonen zaintzaileentzako sentsibilizazio- eta prestakuntza-ekimen berri batean parte hartzeko gonbita egin dio Hurkoari.
Hurkoak parte hartutako saio horretan, gizarte-zerbitzuek, prestazioek eta osasun-arretako nahiz arreta soziosanitarioko zerbitzuek zer-nolako laguntza eman dezaketen azaldu da, bai eta beste alderdi garrantzitsu bat ere: zer babes-neurri administratibo eta legal dauden pertsona horiei eta haien familiei laguntzeko; hori guztia, gaixotasuna bistaratzen laguntzeko, gizartea sentsibilizatzeko eta prebentzioaren garrantzia azpimarratzeko helburuarekin.
Hurkoak halako egoeretan zer-nolako esperientzia duen azaldu zuen Amaia Bareak, eta gaixotasun hori duten pertsonentzat interesgarriak izan daitezkeen laguntza-zerbitzuen berri ere eman zuen.
