2014/02/25

Hurkoak tarte bat zabaldu du beste sare sozial handian, Interneten komunikazio bide berri bat izanik, herritarrek bertan esku hartzeko aukera izan dezaten.

Hedabideak aintzat harturik, Hurkoak bere jabetzapeko tartea zabaldu du Twitterren. Horrela, 2010ean web orria berriztatu eta 2011n Facebooken irekitako perfilean 200 “adiskidetik” gora bereganatu ostean, ekimen berri honekin beste urrats bat egin nahi izan dugu gure gaien inguruko informazio iturrien funtsezko erreferentzia gune bihurtzeko, hau da, ahuldade, mendekotasun edo babesgabetasun egoeran dauden adinekoei eta/edo adimen gaixotasuna dutenei arreta, laguntza eta babesa eskaintzeko gaien inguruko argibideak behar dituzten guztientzako funtsezko erreferentzia izateko. Hedabide berri honen bitartez, Hurkoaren egunerokotasunarekin zerikusia duten berriak, irudiak eta bideoak argitaratzearekin batera, beste hainbat gairi helduko zaie, beti hirugarren sektoreari dagozkionak.

Hurkoak, Twitter aukeratuz, urrats bat gehiago egin du bere zereginak argitasun osoz ezagutarazteko duen erronkari begira. Tarte hau “@ HurkoaFundazioa” idatziz aurki daiteke web orriaren eta Facebook perfilaren osagarria izanik. Bertan Hurkoari buruzko jakingarriak ez ezik, Ntra Sra. De las Mercedes eguneko egoitzari edo Donostiako Elizbarrutiko apaiz helduei buruzko berriak ere argitaratuko dira, eta, halaber, horien inguruko hainbat argazki, bideo eta lotura interesgarri.

Gipuzkoan zehar arlo honetako arreta, laguntza eta babes gaietan egiten den lanari buruz jakinaren gainean eta egunean egon nahi baduzu, aski zaizu Twiterren alta ematea, HURKOA aurkitzea (@HurkoaFundazioa) eta “seguir” tekla klikatzea; oso urrats gutxirekin lortuko duzu. Dena erraz eta arin. Beharrezkoa duzun bakarra Interneteko lotura eta posta elektronikoko helbide bat izatea.

Twitterrerantz emandako urrats honekin, Hurkoaren xede eta helburu da Gipuzkoako zaharrei edo adimen gaixotasunak jota daudenei laguntza eskaintzen dieten erakundeen artean bere izena eta izana egonkortzea, eta, horrekin batera, nahi duten guztiek aukera izango dute beren berriak, lotuneak, irudiak eta bideoak sarean trukatu eta zabaltzeko. Alde horretatik, Hurkoak 200dik gora “adiskide” ditu Facebooken, 2011 urtean alta eman zuenetik tantaka-tantaka gora egin duen jarraitzaile kopuruarekin.